Hildigunnur einn af stofnendum Textíl Barsins tók þátt í Start up SuperNova Superclass þar sem þátttakendur fá þjálfun og leiðsögn við að útbúa 18 mánaða aðgerðaráætlun fyrir verkefnin sín.

Teymi Textíl Barsins er í skýjunum yfir því að verkefnið hafi verið valið inn í Snjallræði sem er 16 vikna vaxtarrými (e. incubator) sem styður við öflug teymi sem brenna fyrir lausnum á áskorunum samtímans. Hlökkum mikið til að taka þátt.

Stórt skref fyrir Textíl Barinn sem hefur hafið samstarf við Góða hirðinn. Sumarið hefur farið í að safna efniðvið sem við höfum verið að gera tilraunir með fjölbreyttar aðferðir til endurnýtingar. Til að sýna afrakstur þessarar vinnu mun Textíl Barinn vera með opna vinnustofu, námskeið og sýningu í Góða hirðinum 7.-13. október næstkomandi.

Opnunarskál Textíl Barsins var haldin um helgina 30. ágúst - 1. september, í tilefni af bæjarhátíðinni í Túninu heima.  Fullt var út úr dyrum, mikil stemning myndaðist og fólk lét ekki gula veðurviðvörun stoppa sig í að kíkja við. Hluti af opnunarskál Textíl Barsins var listsýning á verkum listakvennanna Hildigunnar og Hrafnhildar, stofnenda Textíl Barsins. Sýningin var haldin í gamalli amerískri skólarútu sem vakti mikla lukku meðal gesta. Einnig var opið inn í stúdíó Textíl Barsins þar sem hugmyndafræði, framleiðsla og söluvara var kynnt og seld. Hildigunnur og Hrafnhildur vilja þakka öllum kærlega fyrir komuna og góð viðbrögð við varningi Textíl Barsins. Áformað er að vera með opið stúdíó fljótlega og verður það auglýst á samfélagsmiðlum Textíl Barsins.